जीवन प्रश्न?

अजून एक वळण

रस्त्यात वेचले काटे

वेळाने धरलंय मनगट

कोण कसा त्यातून निसटे?

जे आहे त्याचा घ्या फायदा

उगीच प्रश्न का मनी दाटे?

प्रश्न नाही मुळीच ते

जीवन वाटेला फुटलेले फाटे

आहे ते खरे असंबंध

मनाला तरी का बरोबर वाटे?

थांबून घ्या एक श्वास

गुंत्यातून धागा अलगद सुटे

गडद धुके हे विचारांचे

शेवटी सावकाशच फिटे

येतील अश्या अनेक रात्री

सोबत असतील सोनेरी किरणे पहाटे

-- पुष्कर हेमंत कुलकर्णी